Gəncədə universitetlərin birində iclas baş tutub. Bu haqda 7 sentyabr tarixində ATU-ya istinadən xəbər veririk.
Azərbaycan Texnologiya Universitetində yeni tədris ilinə hazırlıqla bağlı iclas olub. Burada rəhbər heyət, dekanlar, kafedra, mərkəz və şöbə müdirləri iştirak ediblər. Tədbirdə dərs yüklərinin və cədvəllərin vaxtında hazırlanması, təqdim olunması və yeni dərs ilində qarşıda duran digər məsələlər haqda danışılıb.
İclasda, həmçinin yeni təyin olunan Tədris şöbəsinin müdiri dosent Cəsarət Şabanov və İnsan resursları şöbəsinin müdiri İlham Əlizadə kollektivə təqdim ediliblər.
