Gəncədə fəaliyyət göstərən şirkət barəsində protokol tərtib olunub. Bu haqda 13 iyun tarixində Qaynarinfo-ya istinadən məlumat veririk.
Söhbət "Azəralüminium” Məhdud Məsuliyyətli Cəmiyyətindən (MMC) gedir. Şirkət rəhbərliyi iqtisadi fəaliyyət qaydalarını pozmaqda təqsirli bilinir. Bununla bağlı MMC-yə İnzibati Xətalar Məcəlləsinin 430.4-cü maddəsi ilə protokol yazılıb.
Bildirilir ki, "Azəralüminium” MMC xidmət almaq üçün avans yolu ilə ölkə xaricinə valyuta çıxarıb. Lakin hər hansı xidmət almayıb və həmin valyuta ölkəyə geri qaytarılmayıb.
Protokola Bakı şəhəri Yasamal rayon Məhkəməsində baxılır. İddia təsdiqini taparsa, şirkət ölkədən çıxardığı valyutanın 30 faizi məbləğində cərimə olunacaq.
