Gəncədə Avtozavod qəsəbəsində yaşayış binalarının yaxınlığında yerləşən parkın baxımsız vəziyyətdə olduğu bildirilir.
Məsələ ilə bağlı Gencexeber.az-a müraciət edən sakinlərin sözlərinə görə, sözügedən məkan uşaqlar üçün ərazidəki yeganə istirahət məkanıdır. Lakin parkın uzun müddətdir təmir və abadlıq işlərinə ehtiyacı var.
Sakinlər bildirirlər ki, ərazidə zibil qabları yoxdur və bu səbəbdən park tez-tez çirkli vəziyyətdə olur. Uşaqlar üçün nəzərdə tutulan oyun qurğuları da köhnəlib. Oyun sahəsinin daşlıq və yararsız vəziyyətdə olması isə uşaqlar üçün təhlükə yaradır.
Sakinlər aidiyyəti qurumlardan parkda abadlıq işlərinin aparılmasını və uşaqlar üçün təhlükəsiz oyun meydançasının yaradılmasını xahiş edirlər.
