Azərbaycan Texnologiya Universitetinin (ATU) tələbəsi Gəncədə keçirilən beynəlxalq boks gecəsində yüksək nəticəyə imza atıb.
Gencexeber.az ATU-ya istinadən məlumat verir ki, universitetin İqtisadiyyat və idarəetmə fakültəsinin Biznesin idarə edilməsi ixtisasının I kurs tələbəsi Zakir Həsənzadə "Dəmir Yumruq" Beynəlxalq peşəkar boks gecəsində qızıl medal qazanıb.
Qeyd olunub ki, Zakir boks üzrə Azərbaycan çempionudur. Həmyerlimiz "Bəhreyn-2024 Gimnaziada İdman Oyunları"nda da qızıl medala yiyələnib.
