Gəncədə növbəti təyinat olub. Bu haqda 7 sentyabr tarixində ATU-ya istinadən məlumat veririk.
Azərbaycan Texnologiya Universitetinin Tədris şöbəsinə müdir təyin edilib. Bu vəzifə dosent Cəsarət Şabanova həvalə olunub.
Cəsarət Əliheydər oğlu Şabanov 6 mart 1965-ci ildə Lənkəranda anadan olub. 1993-cü ildə Azərbaycan Dövlət Aqrar Universitetinin aqrokimya və torpaqşünaslıq ixtisasını fərqlənmə ilə bitirib. AMEA-nın Torpaqşünaslıq və Aqrokimya İnstitutunda aspirantura təhsili aldıqdan sonra 2001-ci ildə fəlsəfə doktoru elmi dərəcəsinə layiq görülüb.
Bundan başqa, AMEA-nın Torpaqşünaslıq və Aqrokimya İnstitutunda elmi işçi, Dövlət Yerquruluşu Layihə İnstitutunda torpaqşünas-mühəndis, Bakı Dövlət Universitetində (BDU) laboratoriya müdiri, baş müəllim, dosent vəzifələrində çalışıb, bunadək isə BDU-nun Ekologiya və torpaqşünaslıq fakültəsinin dekan müavini işləyib.
