Gəncədə universitetlərin birində ilk iclas təşkil olunub. Bu haqda universitetə istinadən xəbər veririk.
Azərbaycan Texnologiya Universitetində yeni tədris ili üzrə ilk Elmi Şura keçirilib. Universitetin rektoru vəzifəsini müvəqqəti icra edən Yaşar Ömərov kvorumu nəzərə alaraq, iclası açıq elan edib. Tədbirdə iştirak edən universitetin əməkdaşları Raqif Hüseynov, Mayıs Gülalıyev, Əhəd Nəbiyev və Hamlet Kəsəmənlinin hesabatları dinlənilib.
Burada, həmçinin MBA proqramında tədris planlarının təsdiqi, imtahanların keçirilmə formasının dəyişdirilməsi, universitet strukturunun optimallaşdırılması və yeni struktur bölmələrin, eləcə də ictimai şuranın yaradılması, akkreditasiya zamanı aşkar olunmuş nöqsanların aradan qaldırılması və digər məsələlər müzakirə edilib.
