Azərbaycan Texnologiya Universitetinin (ATU) tələbələri Avropada təhsil ala biləcəklər.
Gencexeber.az ATU-ya istinadən məlumat verir ki, ATU İspaniyanın Granada Universiteti ilə Erasmus+ proqramı çərçivəsində əməkdaşlıq etməkdədir. Əməkdaşlıq çərçivəsində ATU-nun magistratura pilləsində təhsil alan bir tələbəsinə İspaniyada bir semestr müddətinə təhsil almaq üçün qrant ayrılıb. Seçim aşağıdakı meyarlar əsasında aparılacaq:
Müsahibə;
ÜOMG;
IELTS Sertifikatı.
Müsahibədə iştirak etmək üçün 25 oktyabr tarixinədək Beynəlxalq əməkdaşlıq şöbəsi ilə (tel: 022 268 35 78; II korpus 3-cü mərtəbə, otaq 2316) əlaqə saxlayıb qeydiyyatdan keçmək mümkündür.
