Azərbaycan Texnologiya Universiteti (ATU) ölkədə ali təhsil müəssisələri arasında bir ilkə imza ataraq süni intellekt əsaslı "ATU-Bot" Rəqəmsal Təhsil Bələdçisini istifadəyə verib.
Gencexeber.az bildirir ki, universitetin İnnovasiya Mərkəzi tərəfindən hazırlanmış "ATU-Bot" tələbələrə akademik sahədə suallarını cavablandırmaq, faydalı tövsiyələr vermək və təhsil prosesində istiqamət göstərmək imkanına malikdir.
Həmçinin proqram abituriyentlərin topladıqları ballara əsasən müxtəlif illərin plan yerlərini, müsabiqə və keçid ballarını müqayisə edərək ən uyğun ixtisas seçimlərini göstərir, araşdırma əsasında müəyyən tövsiyələr verir.
Rəqəmsal Təhsil Bələdçisi universitetin rəsmi atu.edu.az veb saytına inteqrasiya olunub.
