Azərbaycan Texnologiya Universiteti bölgə universitetləri ilə memorandum imzalayıb. Bu haqda 16 iyun tarixində universitetə istinadən məlumat veririk.
Sənəd ATU, Lənkəran Dövlət Universiteti və Mingəçevir Dövlət Universiteti arasında imzalanıb. Memorandum elm, təhsil, innovasiya fəaliyyəti və beynəlxalq əlaqələrə dair ümumi maraqlara əsaslanan qarşılıqlı əməkdaşlığı nəzərdə tutur.
Əməkdaşlıq pedaqoji kadrların və elmi işçilərin, magistr və doktorantların mübadiləsi, qabaqcıl tədqiqat və inkişaf metodları sahəsində təcrübə mübadiləsi, elmi işçilərin və mütəxəssislərin birgə innovasiya fəaliyyətinin təşkili vəs. sahələri əhatə edir.
