"Allaha dua edirdim ki, oğlum yaralı olsun".
Unikal.аz xəbər verir ki, bunu ötən gün qəzaya düşən təyyarənin həlak olan sərnişinlərindən biri olan Şəmkir rayonun Yuxarı Seyfəli kənd sakini 1998-ci il təvəllüdlü Ramin İbrahimovun atası Mahir İbrahimov deyib.
"Oğlumu dekabrın 24-ü axşam saatlarında Bakıya yola saldıq. Oğlum Qroznıya işləməyə gedirdi. Dünən səhər anasına zəng edib dedi ki, aeroportdadır. Sonra xəbər gəldi ki, oğlumun olduğu təyyarə Qazaxıstanda qəzaya düşüb. Oğlum gedəndə özünə orada geyinməyi üçün isti paltarlar almışdı. Övladım subay idi”, - deyə M.İbrahimov deyib.
Qeyd edək ki, “Azərbaycan Hava Yolları” aviaşirkətinin J2-8243 nömrəli Bakı-Qroznı reysini yerinə yetirən “Embraer 190” təyyarəsi Aktau şəhəri yaxınlığında qəzaya uğraması nəticəsində vəfat edən sərnişinlərin və ekipaj üzvlərinin siyahısı açıqlanıb. Onların sırasında 1998-ci il təvəllüdlü Ramin İbrahimov da var.
