Gəncə teatrının aktyoru beynəlxalq festivalda ölkəmizi təmsil edəcək. Bu haqda 27 iyun tarixində Gəncə Dövlət Dram Teatrına istinadən məlumat veririk.
Gürcüstanın Ozurqeti Dövlət Dram teatrının 5-15 iyul tarixlərində IV "Nodar Dumbadze" Beynəlxalq teatr festivalı keçiriləcək. Burada Ölkəmizi Beynəlxalq münsiflər heyətinin tərkibində Gəncə Dövlət Dram Teatrının aktyoru, Avrasiya Teatrlar Birliyinin qurucularından olan, Avrasiya Teatrlar Birliyinin Azərbaycan təmsilçisi Yusif Cəfərov təmsil edəcək.
10 gün ərzində Ozurqeti Dövlət Dram Teatrının və Çoxatauri Mədəniyyət Sarayının səhnələrində 8 xarici və 17 gürcü teatrlarının tamaşaları təqdim olunacaq. Festivala Avrasiyanın 14 ölkəsindən 55 nəfərdən ibarət nümayəndə heyəti qatılacaq. Tədbirlər müddətində Avrasiya Teatrlar Birliyi qurucularının toplantısı da nəzərdə tutulur.
