Gəncədə aktyor sənətinə həvəsi olanlar üçün şərait yaradılıb. Bu haqda 8 sentyabr tarixində “Art Garden Ganja”ya istinadən xəbər veririk.
“TeatrKino” Yaradıcılıq Evi istedadlı şəxsləri bir araya toplayır. Mərkəz aktyor sənətinə marağı olan gənc oğlan və qızları dəvət edir. Ustad dərslərində sözügedən peşənin sirlərini öyrənmək, tamaşalarda iştirak etmək və qastrol səfərlərinə səyahət etmək imkanı yaradılacaq.
Məşğələlərlə maraqlanan və qatılmaq istəyən şəxslər (055) 897 82 84 nömrəsi ilə əlaqə saxlaya bilərlər.
Qeyd edək ki, “TeatrKino” Yaradıcılıq Evi Vaqif küçəsi, 160 ünvanında yerləşir.
