AFFA tərəfindən regionlarda məşqçilik təhsili imkanlarının genişləndirilməsi məqsədilə Gəncə şəhərində UEFA C kateqoriyalı məşqçilik kursu təşkil olunacaq.
Gencexeber.az bildirir ki, bu barədə AFFA-nın mətbuat xidməti məlumat yayıb.
Bildirilib ki, kursa Gəncə və Naftalan şəhərlərində, həmçinin Daşkəsən, Goranboy, Göygöl, Samux, Şəmkir, Gədəbəy və Tərtər rayonlarında fəaliyyət göstərən və məşqçilik təhsili almaq istəyən şəxslər müraciət edə bilərlər.
Təlimlər "Kəpəz" Futbol Klubunun fəaliyyət göstərdiyi infrastruktur bazasında keçiriləcək. Kurs cari ilin noyabrından başlayaraq, üç ay müddətində təşkil ediləcək. Dəqiq təlim tarixləri seçilmiş namizədlərə ayrıca bildiriləcək.
Ərizə mərhələsindən uğurla keçən namizədlər müsahibəyə dəvət olunacaqlar.
