Gəncədə fəaliyyət göstərən universitet beynəlxalq reytinqdə irəliləyib. Bu haqda 2 avqust tarixində ADAU-ya istinadən məlumat veririk.
Söhbət Dünya Universitetlərinin “Webometrics” Reytinqindən gedir. 2023-cü il nəticələrinə görə, Azərbaycan Dövlət Aqrar Universiteti (ADAU) ölkənin ali məktəbləri arasında 14-dən 13-cü sıraya yüksəlib.
2021-ci ildə sözügedən təhsil müəssisəsi cədvəldəki dünya universitetləri arasında 15771, Azərbaycan üzrə 19, 2022-ci ildə müvafiq olaraq 11591 və 14, bu il isə 11566-cı və 13-cü pillədə qərarlaşıb.
Qeyd edək ki, “Webometriсs” Reytinqində sıralamalar əsas 3 tələb əsasında aparılır. Bunlardan 1-ci görünürlük (universitetin veb səhifəsi), 2-ci universitetin “google scholar” platformasındakı profili olan ilk 310 əməkdaşına gələn istinad sayı, 3-cü “Scimago” platformasında 27 fərqli disiplin üzrə ən çox istinad edilən ilk 10% arasında olan məqalələrin sayı.
