Azərbaycan Dövlət Aqrar Universitetinin (ADAU) Mühəndislik fakültəsinin "İnformasiya texnologiyaları" ixtisası üzrə IV kurs tələbəsi Səbinə Rzazadə magistraturaya qəbul imtahanında yüksək nəticə əldə edib.
Gencexeber.az bildirir ki, S.Rzazadə imtahanda 86.5 bal toplayaraq region üzrə yüksək göstəriciyə imza atıb.
Ümumi orta müvəffəqiyyət göstəricisi (ÜOMG) 94.3 olan tələbə 2023-cü ildə Ümummilli Lider Heydər Əliyevin 100 illiyinə həsr olunan "Heydər Əliyev adına təqaüd"ə layiq görülən 100 tələbədən biri olub. Eyni zamanda, Erasmus+ proqramı çərçivəsində Polşanın Rzeszów Universitetində təhsil almaq imkanı qazanıb.
Bundan əlavə, Səbinə Rzazadə qəbul imtahanlarında 651.2 bal toplayıb və Azərbaycan Dövlət Aqrar Universitetini seçib.
