Gəncədə təhsil alan tələbələr Türkiyədə təcrübə keçirlər. Bu haqda 25 avqust tarixində ADAU-ya istinadən məlumat veririk.
Azərbaycan Dövlət Aqrar Universiteti (ADAU) və Türkiyənin Ege Universiteti ilə birgə həyata keçirilən beynəlxalq ikili diplom proqramı çərçivəsində bir qrup tələbə qardaş ölkəyə yollanıb. Onlar Ege Universitetində istehsalat təcrübəsinə başlayıblar.
1 ay ərzində keçiriləcək proqramda tələbələr aqropark, teknopark, şirkət və firmalarla tanış olub, ixtisaslarına uyğun işlərdə təcrübə keçəcəklər.
