Gəncədən olan tələbələr üçün Türkiyədə tədbir təşkil olunub. Bu haqda 17 avqust tarixində Azərbaycan Dövlət Aqrar Universitetinə istinadən xəbər veririk.
Azərbaycan Dövlət Aqrar Universitetinin tələbələri üçün Türkiyənin Ege Universitetində orentasiya proqramı keçirilib. Burada həmyerlilərimiz türklərin doğum, toy və digər adət-ənənələri, əyləncə mədəniyyəti ilə tanış olublar.
Tələbələr, həmçinin İzmir Milli Kitabxanasında qonaq olub, XVII əsrə aid əsərlərə baxış keçiriblər. Daha sonra onlar Kemeraltı bazarında tanıtım və mədəniyyət turunda xəttatlıq, keçə, kazaziyə kimi türk mədəniyyətinin ustaları ilə tanış olublar.
