Gəncədə təhsil alan tələbələr Zaqatalaya səfər ediblər. Bu haqda 24 iyul tarixində ADAU-ya istinadən məlumat veririk.
Səfər Azərbaycan Dövlət Aqrar Universiteti (ADAU) ilə “Azərtütün” ASC arasında bağlanan memoranduma əsasən baş tutub. Şirkətin mütəxəssisləri tərəfindən Aqronomluq və Mühəndislik fakültələrində oxuyan bir qrup tələbəyə tütün yetişdirilməsi ilə bağlı növbəti təlim keçirilib. Gənclər tütün sahələrinə və tütünqurutma məntəqəsinə baş çəkiblər.
Universitetin Bitkiçilik kafedrasının müəllimi Gülnarə Abbasovanın rəhbərliyi ilə tələbələr sahədə keçirilən təlimlərdə tütün bitkisinin qonçələmə-çiçəkləmə inkişaf mərhələsində aparılan çiçək və yan budaqların alınması prosesində iştirak edib, məntəqədə tütün yarpaqlarının daşınması, çeşidlənməsi, quruducu fırınlara yığılması və qurutma prosesinin əsas xüsusiyyətləri haqqında məlumat alıblar.
