Gəncədə yeni təyin olunmuş rektorun təqdimatı baş tutub. Bu haqda 5 sentyabr tarixində ADAU-ya istinadən məlumat veririk.
Bir müddət öncə Azərbaycan Dövlət Aqrar Universitetinə rektor təyin edilib. Bu vəzifə Zəfər Qurbanova həvalə olunub. Onu kollektivə kənd təsərrüfatı nazirinin müavini Elçin Zeynalov təqdim edib.
Təqdimata universitetin prorektorları, fakültə dekanları və struktur rəhbərləri qatılıblar. Zeynalov ölkə rəhbərinin tapşırıq və tövsiyələrini diqqətə çatdırıb. Zəfər Qurbanov isə ona göstərilən etimada görə minnətdarlığını bildirib.
