Gəncədə elmi-praktik konfrans keçiriləcək. Bu haqda 28 fevral tarixində ADAU-ya istinadən məlumat veririk.
“Tətbiqi elmlər və aqrar sahənin inkişafına yeni baxışlar və yanaşmalar” adlı Respublika elmi-praktik konfransı 29 mart tarixində Azərbaycan Dövlət Aqrar Universitetində təşkil olunacaq. Tədbir Kənd Təsərrüfatı Nazirliyinin Meyvəçilik və Çayçılıq Elmi-Tədqiqat İnstitutu, Üzümçülük və Şərabçılıq Elmi-Tədqiqat İnstitutu, Tərəvəzçilik Elmi-Tədqiqat İnstitutu, Əkinçilik Elmi-Tədqiqat İnstitutu və EGE Universitetinin ikili diplom proqramı çərçivəsində ADAU-da tədris aparan əməkdaşların birgə iştirakı ilə baş tutacaq.
Məqsəd təhsilə və elmi araşdırmalara dair informasiya mübadiləsinin aparılması üçün rəy formalaşdırmaq mexanizminin müzakirəsi, əmək bazarının tələblərinə uyğun mütəxəssislərin hazırlanması, təhsilalanların ixtisas sahəsi üzrə bilik və bacarıqlarının artırılması, əlavə və çevik bacarıqların aşılanmasının təşkilindən ibarətdir.
Konfrans bağçılıq və aqrar bölmə üzrə Azərbaycan, türk və ingilis dillərində keçiriləcək. Ətraflı məlumat üçün aşağıdakı linkə keçid etmək olar:
