ADA universitetinin əməkdaşları Gəncəyə gəliblər. Bu haqda 7 sentyabr tarixində ADAU-ya istinadən xəbər veririk.
Azərbaycan Diplomatik Akademiyasının rektoru Hafiz Paşayev və nümayəndə heyəti Azərbaycan Dövlət Aqrar Universitetinə səfər ediblər. ADAU-nun rektoru qonaqlara universitetin tarixi barədə ətraflı məlumat verib. O bildirib ki, təhsil müəssisəsində zəngin maddi-texniki baza, o cümlədən müasir tədris avadanlıqları ilə təchiz edilmiş auditoriyalar və laboratoriyalar fəaliyyət göstərir. Burada alimlər yüksək ixtisaslı kənd təsərrüfatı mütəxəssislərinin hazırlığı ilə yanaşı, kənd təsərrüfatı elminin inkişafına da dəyərli töhfələr verirlər.
Görüşdə, həmçinin qarşılıqlı əməkdaşlıq perspektivləri, müəllim-tələbə mübadiləsi və iki universitet arasında birgə layihələrin işlənməsi mövzuları müzakirə olunub.
