Gəncədə daha bir səhiyyə ocağında şöbələr istifadəyə verilib. Bu haqda 24 iyul tarixində Birləşmiş Xəstəxanaya istinadən məlumat veririk.
Söhbət Abbas Səhhət adına xəstəxananın nevrologiya və terapiya şöbələrindən gedir. Onlar modul tipli xəstəxananın yerində yenidən qurularaq istifadəyə veriliblər. Şöbələrin hər biri 100 çarpayılıqdır.
Nevrologiya şöbəsində 70 tibbi personal fəaliyyət göstərir. Onların 9-u həkimdir. Şöbə müdiri Pərvin Vaqif qızı Dürüstkaridir. Burada ən müasir avadanlıqlar yerləşdirilib.
Terapiya şöbəsində ambulator və stasionar müalicə xidmətləri ilə yanaşı, mütəxəssislər intensiv terapiyaya ehtiyacı olan xəstələrə də xidmət göstərirlər. Fəaliyyət göstərən 78 tibbi personaldan 8-i həkimdir. Şöbə müdiri Aysel Xudayar qızı Əliyevadır.
