Samux şəhər 3 nömrəli tam orta məktəbdə faciəvi hadisə baş verib.
Gencexeber.az-ın məlumatına görə, məktəbin gözətçisi, Kolayır kənd sakini 58 yaşlı Aydın Rəhimovun meyiti təhsil müəssisəsində aşkarlanıb. Hadisə yerinə hüquq-mühafizə orqanlarının əməkdaşları cəlb olunub. İlkin araşdırmalara əsasən, mərhumun bədənində zorakılıq əlamətləri qeydə alınmayıb.
Məlumata görə, Aydın Rəhimov iki il əvvəl iştirakçısı olduğu yol-nəqliyyat hadisəsi zamanı ağır xəsarətlər alıb. Həmin vaxtdan səhhətində problemlər yaşayıb.
Dünən axşam o, məktəbin yeməkxanasında istirahət edərkən yuxuya gedəndən sonra ayılmayıb.
Mərhum bu gün Kolayır kəndinin Düldül qəbiristanlığında dəfn olunub.
