Mingəçevirdə bıçaqlanan qadının son durumu açıqlanıb.
Gencexeber.az-a Tibbi Ərazi Bölmələrini İdarəetmə Birliyindən (TƏBİB) bildirilib ki, hazırda pasiyentin müalicəsi davam etdirilir.
"Oktyabrın 7-si saat 09:10-da bir nəfər (qadın) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.
Başda, üzdə və yuxarı ətraflarda çoxsaylı açıq yaralar diaqnozu təyin edilən pasiyentə zəruri tibbi xidmətlər göstərilib. Hazırda müalicəsi müvafiq şöbədə davam etdirilir, vəziyyəti stabildir", - deyə qurumdan bildirilib.
10:14
Qadın əri tərəfindən bıçaqlanıb.
Unikal.аz xəbər verir ki, hadisə Mingəçevir şəhərinin Energetiklər qəsəbəsi kimi tanınan Azərbaycan İES yaşayış massivindəki Yadigar Mənsurov küçəsində baş verib. 1991-ci il təvəllüdlü Aytən Əziz qızı Bəkirova çoxsaylı bıçaq xəsarətləri alıb.
Sifət, qol və qulaq nahiyəsindən kəsilmiş-deşilmiş bıçaq xəsarətləri alan yaralı qadın komatoz vəziyyətdə təcili xəstəxanaya çatdırılıb. İlkin məlumata görə, hadisə ailə münaqişəsi zəminində baş verib.
Mingəçevir Şəhər Polis Şöbəsi əməkdaşları tərəfindən hadisəni törətməkdə şübhəli bilinən qadının əri Tural Bəkirov saxlanılıb.
Faktla bağlı araşdırma başlanıb.
