Ötən il Azərbaycanda 95 min 875 körpə doğulub.
Gencexeber.az Dövlət Statistika Komitəsinə istinadən bildirir ki, doğulan körpələrin 0,9%-i və ya 877-si 15-17 yaşlı analar tərəfindən dünyaya gətirilib.
Məlumata görə, 15-17 yaşlı analar tərəfindən doğulan uşaqların sayı son illərdə əhəmiyyətli dərəcədə azalıb.
Belə ki, 2015-ci ildə bu yaş qrupunda olan analar tərəfindən 2 895, 2020-ci ildə 1917, 2021-ci ildə 1650, 2022-ci ildə 2011, 2023-cü ildə 1742, 2024-cü ildə 1279, 2025-ci ildə isə 877 uşaq doğulub.
Beləliklə, 2015-ci illə müqayisədə 2025-ci ildə 15-17 yaşlı analar tərəfindən doğulan uşaqların sayı 2 018 nəfər və ya 69,7% azalıb.
Məlumat üçün bildirək ki, "Ailə Məcəlləsi"nin tələbinə görə, Azərbaycan Respublikasında nikah yaşı 18 yaş müəyyən olunub. Bu, həm də o deməkdir ki, son bir il ərzində 877 uşaq qeyri-rəsmi nikahda olan analar tərəfindən dünyaya gətirilib.
Azərbaycanda 15-17 yaş həm də məktəb yaşı hesab olunur və bu səbəbdən də 877 körpə həm də məktəbyaşlı qızlar tərəfindən dünyaya gətirilib.
