Gəncədə avtomobil qəzası baş verib. Bu haqda Gencexeber.az-a 23 may tarixində məlumat daxil olub.
Hadisə gecə saat 4:00 radələrində şəhərin Yeni Gəncə yaşayış massivində qeydə alınıb. Nizami Gəncəvi və 28 May küçələrinin kəsişməsindəki “Ramada Plaza”nın yaxınlığında sürücü idarəetməni itirib. Nəticədə maşın avtobus dayanacağına çarpılıb.
Qəza zamanı dayanacaq və yanında yerləşən yol nişanı yararsız hala düşüb. Şahidlərin sözlərinə görə, sürücü çiyin nahiyəsindən xəsarət alıb.
Əraziyə polis əməkdaşları cəlb olunublar. Faktla bağlı araşdırma aparılır.
