Gəncədə təhlükə yaradan ağzı açıq kanalizasiya quyuları var. Bu haqda Gencexeber.az-ın müxbiri 20 noyabr tarixində məlumat verib.
Sözügedən hal şəhərin Atatürk və Heydər Əliyev prospektlərində müşahidə edilir. Avtomobillərin hərəkətinə təhlükə yaradan quyuların ağzı bir neçə aydır ki, açıqdır.
Sakinlərin sözlərinə görə, dünən gecə saatlarında Atatürk prospektindəki “Mercedes” markalı minik avtomobili həmin quyulardan birinə düşüb. Hava qaralanda sürücülər təhlükə yaşayırlar.
