Oxu.az-ın məlumatına əsasən, Surət Hüseynovun ölüm faktı təsdiqini tapmayıb.
Sabiq baş nazirin yaxınları bildiriblər ki, həkimlər əvvəlcə onun öldüyünü zənn ediblər. Sonradan məlum olub ki, Hüseynov komadadır. Qeyd olunub ki, o, hazırda reanimasiyadadır.
14:00 - Sabiq baş nazir Surət Hüseynov vəfat edib
Gəncəli keçmiş baş nazir dünyasını dəyişib. Bu haqda 31 iyul tarixində sosial şəbəkələrdə məlumat paylaşılıb.
Bildirilir ki, Surət Hüseynov Moskvadan İstanbula uçarkən təyyarə eniş edən zaman ürəktutmasından vəfat edib. Onun səhhətində problem olduğu və müalicəyə getdiyi vurğulanıb.
Qeyd edək ki, Azərbaycanda “qiyamçı polkovnik” kimi tanınan Surət Hüseynov AXC - Müsavat hakimiyyətinin devrilməsində əsas fiqur olub. O, sonradan ömürlük həbs olunub. Prezident İlham Əliyev tərəfindən əfv Sərəncamı ilə azadlığa buraxılıb.
Surət Davud oğlu Hüseynov 12 fevral 1959-cu ildə Gəncədə anadan olub.
