"Kəpəz"in Antalya toplanışı iki aparıcı legionerin iştirakı olmadan davam edir. Bu haqda 10 yanvar tarixində Sportinfo.az-a istinadən məlumat veririk.
Gəncə təmsilçisinin nigeriyalı futbolçuları - yarımmüdafiəçi Ahmed Ayzaya və hücumçu Abdullahi Şuaybunu Türkiyəyə yollana bilməyiblər. Buna səbəb onların sənədlərində yaranan problemdir. Qərb təmsilçisi afrikalı futbolçulara görə müvafiq qurumlara vaxtında müraciət etmədiyindən onlara viza verilməyib.
Futbolçuların qarşıdakı günlərdə Antalyaya yollanması hələ də sual altındadır.
Daha öncə "Kəpəz"in Antalyaya səfəri haqda məlumat vermişdik.
