Gəncəli Xalq artisti Bakıda xəstəxanaya yerləşdirilib. Bu haqda 20 iyul tarixində Apa-ya istinadən məlumat veririk.
Bir neçə gün öncə Şahnaz Haşımovanın səhhətinin pisləşməsi barədə məlumat vermişdik. Bu gün, iyulun 20-də Xalq artisti Gəncədə müalicə aldığı Abbas Səhhət adına Xəstəxanadan Bakıya aparılıb.
Sənətkarın bacısı Əməkdar artist Aybəniz Haşımovanın sözlərinə görə, Şahnaz xanım hazırda Mərkəzi Gömrük Hospitalında müalicəsini davam etdirir.
"Hazırda vəziyyəti yaxşıdır. Palatadadır. Təzyiq və qanla bağlı problemi var idi. Belə məsləhət oldu ki, müalicəsi Bakıda davam etdirilsin, ona görə də gətirdik", - deyə Əməkdar artist bildirib.
