Gəncədə məktəblərdən biri yararsız haldadır. Bu haqda Gencexeber.az-a 18 aprel tarixində məlumat daxil olub.
Söhbət şəhərin Abbas Səhhət adlanan ərazisində yerləşən 19 nömrəli məktəbdən gedir. Təhsil ocağının binasının təmirə ehtiyacı var. Sakinlər bildirirlər ki, məktəbin belə vəziyyətinə görə valideynlər övladlarını məktəbdən çıxarırlar. Bu zaman uşaq sayı azaldığı üçün digər sektorda tədris aparılan siniflər bağlanır.
Ərazidə yaşayanların bir qismi uşaqları oxumaq üçün 39 nömrəli məktəbə yollayır. Orada da bir sinifdə 40-43 uşaq olur.
“Üç uşağım var. Onları hər gün avtobusla məktəbə yola salmağım bir ayda 100 manat edir. Mənim buna imkanım yoxdur. Yanımızda məktəb ola-ola məcbur oluruq uşaqlarımızı başqa yerdə oxutdurmağa. Bir-bir uşaqlar çıxır məktəbdən. Bu halda da rus sektoru olan siniflər bağlanır. Məktəb təmir olunsa, yaxşı olar. Dəfələrlə təhsil idarəsinə müraciət etmişik, lakin problemimiz həllini tapmayıb”, - deyə sakinlər qeyd ediblər.
