Gəncənin "Kəpəz" bazarı (Sərçə bazarı) bütün çıxışlarında palçıq və gölməçələr müşahidə olunur. Mövcud vəziyyət səbəbindən sakinlər narazıdırlar. Bu haqda Gencexeber.az-ın müxbiri 18 oktyabr tarixində xəbər verib.
Təqdim etdiyimiz görüntülər Gəncə şəhər stadionunun yanından bazarın girişinə aparan yoldan çəkilib. Orada yol enliliyində yaranan gölməçələrlə yanaşı küçənin bir çox hissəsi palçıq içindədir. Sürücülərin və piyadaların hərəkəti çətinləşib.
"Hələ yağış yağmayıb bura belədir. Səhər gəlmişdim evimizin bıçaqlarını itilətdirək üçün. Su yığılıb yola, maşınlar zorla gəlir bazara. Taksi sifariş verdim, şofer zəng elədi ki, gəlməyəcəyi haqda xəbərdar etsin məni" - deyə sakin bildirib.
Daha öncə, asfalt örtüyü olmayan küçənin biri haqda xəbər vermişdik.
[caption id="attachment_3717" align="alignnone" width="300"]
Foto Gencexeber.az[/caption]
