Gəncədə narkomaniya ilə bağlı tədbir keçirilib. Bu haqda 9 dekabr tarixində Gəncə Regional Mədəniyyət idarəsi məlumat paylaşıb.
"Narkomaniya əsrin bəlasıdır" adlı tədbir Gəncə şəhər Mədəniyyət mərkəzində baş tutub. İlk öncə şəhidlərin xatirəsi bir dəqiqəlik sükutla yad olunub. Daha sonra polis mayoru Tural Eldarov çıxış edib. O, narkomaniya ilə mübarizədə hər bir valideyinin iştirakının vacibliyini vurğulayıb, narkomaniyanın zərərindən danışıb.
Polis kapitanı Yunis Xəlilov bu cür tədbirlərin keçirilməsinin vacib olduğunu deyib. Onun sözlərinə görə, narkomaniya insanları sağalmaz xəstəliklər içində boğan "ağ ölüm"dür. Sahə həkimi Rüstəm Kərimov narkomaniyanın sinir sisteminə olan təsirindən danışıb.
