Gəncədə tanınmış rəssam Şaiq Məmmədovun tələbəsi fəaliyyət göstərir. O, 2017-ci ildən Azərbaycan Rəssamlar İttifaqının üzvüdür.
51 yaşlı Habil Əzizov mənzərə janrında əsərlər yaradır. O, direktoru olduğu Gəncə şəhər Uşaq Rəssamlıq Məktəbindəki emalatxanada çalışır. Məktəb Mirzə Abbas Abbaszadə küçəsi, 2 ünvanında yerləşir.
“Bu sənətin sirlərini Azərbaycan Respublikasının əməkdar rəssamı olan Şaiq Məmmədovdan mənimsədiyim üçün fəxr hissi duyuram” – deyə, Habil müəllim qeyd edib.
Rəssamın əl işlərinə baxmaq və ya ondan rəsm sifariş etmək üçün – (055/070) 730 12 69 nömrələri ilə əlaqə saxlamaq mümkündür.
Habil Qənbər oğlu Əzizov 1970-ci ildə Gəncə şəhərində anadan olmuşdur. O, 1984-1988 illərdə Məhsəti Gəncəvi adına Gəncə Pedaqoji texnikumun təsviri incəsənət və rəsmxət fakültəsini fərqlənmə diplomu ilə bitirmişdir. 1988-1992-ci illərdə Həsən bəy Zərdabi adına Gəncə Pedaqoji institutunun təsviri incəsənət və rəsmxət fakültəsini bitirmişdir. 2001-ci ildə Gəncə şəhər Uşaq Rəssamlıq Məktəbinin direktoru vəzifəsinə təyin edilmişdir. İşlədiyi müddət ərzində Mədəniyyət Nazirliyinin fəxri fərman və mükafatlarına layiq görülmüşdür.
Daha öncə, Gəncə Dövlət universitetinin Təsviri incəsənət kafedrasının müdiri olan professor Şaiq Məmmədov haqqında xəbər vermişdik.
