Bu gün istirahəti, təmizliyi və rahatlığı özündə cəmləşdirən hamamlardan məlumat verəcəyik. Hamam qədim dövrlərdən bəri Şərq xalqlarının getdiyi bir məkan olub. Müasir dövrümüzdə də bu ənənə qorunub saxlanılıb. Gencexeber.az redaksiyası olaraq, bölgəmizdə olan hamamların siyahısını toplayıb oxucularımıza təqdim edirik.
- “El” Hotel. Üzeyir Hacıbəyli küçəsində (Sovxoz Nizami dairəsinin yaxınlığı) yerləşir. Səhər saatlarında qadınlar, günorta uşaqlar, saat 18:00-dan 21:00-a kimi isə kişilər üçün fəaliyyət göstərir. Məkana giriş 12 manatdır. Xidmətə sauna, hamam və hovuz daxildir.
- “Leon” Hotel. Ruzigar Qasımov küçəsində, “Oğuz” marketin qarşı tərəfində yerləşir. Saat 08:00-dan 11:00-a qədər fəaliyyət göstərir. Məkandan istifadə limitsiz şəkildə 15 manatdır. Xidmətə sauna, buxar hamamı, türk hamamı və fitnes daxildir.
- “Karvan” Hotel. Nizami Gəncəvi prospekti, 24 ünvanında, Yeni Yevlax avtovağzalının yanında yerləşir. Saat 09:00-dan 12:00-a qədər fəaliyyət göstərir. Məkandan istifadənin bir saatı 8, limitsiz isə 10 manatdır. Xidmətə sauna, hamam və hovuz daxildir.
- “Arzular” MMC İstirahət Mərkəzi. İsmət Qayıbov küçəsi, 349-da yerləşir. Saat 11:00-dan 00:00-a qədər fəaliyyət göstərir. Məkandan 4-5 saat istifadə 7 manatdır. Xidmətə sauna, hamam, hovuz daxildir.
- “Fitness & Spa” Mərkəzi. Bayan küçəsində, Gəncə Texniki Kollecinin yanında yerləşir. Saat 09:00-dan 11:00-a qədər fəaliyyət göstərir. Məkana giriş 15 manatdır. Xidmətə sauna, cakuzi, fitnes, hovuz, buxar hamamı, türk hamamı və tennis zalı daxildir.
- “Delux” Hotel. Nizami Gəncəvi prospektində, Polis İdarəsinin yanında yerləşir. Saat 10:00-dan 22:00-a qədər fəaliyyət göstərir. Məkandan istifadənin üç saatı 15 manatdır. Xidmətə sauna, hamam, hovuz və fitnes daxildir.
- Şəhər hamamı. Adil İsgəndərov küçəsi, ADAU-nun İqtisadiyyat korpusunun qarşısında yerləşir. Saat 09:00-dan 21:00-a qədər fəaliyyət göstərir. Məkana giriş 3 manatdır. Buradakı xidmətə yalnız duş qəbul etmək daxildir.
[modula id="50834"]
