Şəhərimizdə fəaliyyət göstərən ev-muzeyləri tanıyaq

Gəncədə bir sıra görkəmli şəxslərin ev-muzeyləri yaradılıb. Bu haqda Gencexeber.az məlumat toplayaraq, oxucuları üçün təqdim edir.

Nizami yurdunda bir sıra şəxslərin yaşadıqları evlər hazırda muzey olaraq fəaliyyət göstərir. Onların siyahısı və ünvanları aşağıdakı kimidir:

• Nizami Gəncəvinin ev-muzeyi (İsmət Qayıbov küçəsi, 3);


• İsrafil Məmmədovun ev-muzeyi (Mirzə Abbas Abbaszadə küçəsi, 42);


• Mir Cəlal Paşayevin ev-muzeyi (Mir Cəlal Paşayev küçəsi, 261C);


• Mirzə Şəfi Vazehin ev-muzeyi (Mirzə Şəfi Vazeh prospekti);


• Nuru Paşanın ev-muzeyi (Nağı bəy Şeyxzamanlı küçəsi);


• Nəsib bəy Yusifbəylinin ev-muzeyi (Nəsib bəy Yusifbəyli küçəsi).

İlk azərbaycanlı Sovet İttifaqı Qəhrəmanı İsrafil Məmmədovun ev-muzeyi 1985-ci ildən fəaliyyət göstərir. Muzey 3 mərtəbəli yaşayış binasının 1-ci mərtəbəsində yerləşir.

Yazıçı - alim Mir Cəlal Paşayevin ev-muzeyi Əməkdar Elm xadiminin 100 illik yubileyi ərəfəsində ədibin xatirəsinə yaradılıb. Muzeyin rəsmi açılışı 29 sentyabr 2007-ci ildə baş tutub.

Mirzə Şəfi Vazehin ev-muzeyi Heydər Əliyev Fondunun dəstəyi ilə inşa edilib. Tikili 10 noyabr 2017-ci ildən fəaliyyət göstərir.

Nuru Paşanın ev-muzeyi generalın Gəncəyə səfəri zamanı qaldığı Cümhuriyyət qurucularından olan Nağı bəy Şeyxzamanlının evində yaradılıb. Ev Türk Əməkdaşlıq və Koordinasiya Agentliyi (TİKA) tərəfindən yenidən qurulub.

Nəsib bəy Yusifbəylinin ev-muzeyi onun qohumları tərəfindən yaradılıb. Ev 1877-ci ildə Nəsib bəyin atası Yusif bəy Yusifbəyli tərəfindən tikdirilib.

[modula id="48197"]