Gəncə şəhərinin mərkəzi hissəsində yerləşən Əkbər Babayev küçəsində uzun müddətdir zibil problemi yaşanır.
Gencexeber.az-a daxil olan şikayətə görə, küçənin yol kənarında zibillərin yığılması həm antisanitar vəziyyət yaradıb, həm də şəhərin estetik görünüşünə xələl gətirib. Sakinlərin sözlərinə görə, ərazidə zibil konteynerləri yoxdur. Zibil maşınları isə həftədə bir-iki dəfə gəlir.
Məsələ ilə bağlı təşəbbüs göstərilərək kameraların yerləşdirildiyi bildirilib. İddia olunub ki, tullantıları əraziyə əsasən tanımadıqları şəxslər – başqa küçələrdən gələnlər və yoldan keçənlər atırlar. Ən yaxın zibil konteynerləri isə Gəncə Tibb Kollecinin yanında – təxminən 200-250 metr aralıda yerləşir.
Sakinlər aidiyyəti qurumlardan problemin aradan qaldırılması üzrə tədbirlərin görülməsini arzu edirlər.
