Göygöldə iri yarış keçirilib.
Gencexeber.az-ın məlumatına görə, Azərbaycan MMA və Grappling Federasiyasının (AZEMMAGF) Qərb regionu üzrə nümayəndəsi və baş məşqçisi, eyni zamanda Göygöl "Wolfs Fights" klubunun direktoru Əjdər Əliyevin təşkilatçılığı ilə Göygöldə grappling üzrə açıq çempionat baş tutub.
Yarışa Gəncə, Göygöl, Zaqatala, Bakı, Şəki və Şəmkir komandaları qatılıb. Turnirdə ümumilikdə 100-ə yaxın idmançı mübarizə aparıb.
Təşkilatçılar bildiriblər ki, bu cür yarışlar Qərb bölgəsində grappling idman növünün inkişafına, gənclərin sağlam həyat tərzinə cəlb olunmasına və peşəkar idmançıların yetişdirilməsinə xidmət edir.
İştirakçılar və məşqçilər tədbirin yüksək səviyyədə təşkil olunduğunu qeyd edərək, gələcəkdə də bu tip yarışların davamlı keçirilməsinin vacibliyini vurğulayıblar.
