Nəqliyyat vasitələrinin toqquşması nəticəsində iki nəfər xəsarət alıb.
Gencexeber.az-ın məlumatına görə, hadisə Şəmkir rayonunun Dəllər Cəyir kəndi ərazisində qeydə alınıb. Zəyəm Cırdaxan kənd sakini 1990-cı il təvəllüdlü Elşad Adıgözəlovun idarə etdiyi "Toyota Prado" markalı maşın 1963-cü il təvəllüdlü Valeh Məmmədovun idarəetdiyi "KamAz" markalı avtomobilə çırpılıb.
Nəticədə minik maşının sürücüsü və sərnişini, 1988-ci il təvəllüdlü Tahir Vəliyev müxtəlif dərəcəli bədən xəsarətləri alıb. Hər iki yaralı xəstəxanaya yerləşdirilib. Vəziyyətləri orta-ağırdır.
Faktla bağlı araşdırma başlanılıb.
