Gəncə sakinləri yollarının kəsilməsindən narahatdırlar. Bu haqda Gencexeber.az-a 3 iyun tarixində məlumat daxil olub.
Söhbət Məhsəti qəsəbəsinin 31-ci küçəsindən gedir. Burada adıçəkilən küçədə yolun bir hissəsinə tikinti qalıqları tökülüb. Nəticədə yolun hərəkət hissəsi bağlanıb. Sözügedən vəziyyət ətrafda yaşayan sakinlərin etirazına səbəb olub. Onların sözlərinə görə, məsələ ilə bağlı İcra Hakimiyyətinə və 102-yə müraciət ediblər. Lakin heç bir tədbir görülməyib.
“Yolumuzu bağlayıblar. Gediş-gəlişimiz məhdudlaşıb. Ərazidə nəzarət kameraları olmasına baxmayaraq, tikinti qalıqlarının kim tərəfindən atıldığını bilmirik”, - deyə sakinlər bildiriblər. Onlar yaranmış vəziyyətin aradan qaldırılmasını xahiş edirlər.
