Gəncədə kommunal qəza baş verib.
Gencexeber.az məlumat verir ki, hadisə Dədə Qorqud küçəsi ilə Şah İsmayıl Xətai prospektinin kəsişməsində meydana gəlib. Burada sakinləri su ilə təchiz edən yeraltı xətt partlayıb. Nəticədə su yer səthinin üzərinə çıxaraq küçə boyunca axır.
Sakinlərin sözlərinə görə, kommunal qəza bir həftə öncə qeydə alınıb. Onlar aidiyyəti qurumun su xəttini təmir etməsini gözləyirlər.
