Gəncədə Yaşıl Şəhər Fəaliyyət Planının hazırlanması ilə bağlı iclas keçirilib. Bu haqda 23 dekabr tarixində İcra Hakimiyyətinə istinadən məlumat veririk.
Yaşıl Şəhər Fəaliyyət Planının hazırlanması üzrə Layihə İşçi Qrupunun onlayn görüşü baş tutub. Tədbirdə icra başçısının birinci müavini, layihənin koordinatoru Səməd Tomuyev, AMEA-nın Gəncə Bölməsinin sədri Fuad Əliyev, GDU innovasiyalar departamentinin direktoru Vasif Həsənov, İşçi Qrupuna daxil olan dövlət qurumları, bələdiyyələr, beynəlxalq və regional təşkilatların nümayəndələri iştirak ediblər.
Burada layihə çərçivəsində görülmüş işlər barədə məlumat verilib, əldə edilmiş nəticələr haqda fikir mübadiləsi aparılıb. Həmçinin İşçi Qrupunun üzvlərinin onlayn sorğuda iştirakı təmin edilib.
