Gəncədə kitab təqdimatı keçirilib. Bu haqda Gencexeber.az-a 8 iyun tarixində məlumat daxil olub.
Tədbir Mərkəzi Kitabxana Sistemində baş tutub. Burada yazıçı Qərib Qasım oğlu Mehdiyevin “Ey, adam, səninləyəm…” adlı kitabının təqdimatı təşkil edilib. Yazıçının sayca 53-cü kitabında nasirin əsərləri, onun haqqında yazılan şeirlər və məqalələr dərc olunub. Təqdimat tədbirini giriş sözü ilə Azərbaycan Yazıçılar Birliyi Gəncə bölməsinin sədri Xəzangül Hüseynova açıb.
Şairin kitabının təqdimat günündə natiqlərdən Bayram Apoyev, Salman İmanlı, Fəxrəddin Hüseynov, Zərgər Latif, Firəngiz İsmayılova, Fərruxə Pərişan və digərləri çıxış ediblər. Onlar Qərib Mehdinin ədəbi fəaliyyətindən bəhs ediblər.
