Gəncədə cüdo ilə məşğul olanların sayı artıb. Bu haqda 26 iyul tarixində Kəpəz televiziyasına istinadən məlumat veririk.
Bildirilir ki, yay tətilində cüdo məşq bölmələrinə axın çoxalıb. Tədris dövrü ilə müqayisədə daha çox valideyn övladını bu idman növü ilə məşğul olmaq üçün məşqçilərə yazdırır. Dərs vaxtı məşqlərdə hər çalışdırıcının öhdəliyində 15-20 uşaq var idisə, hazırda bu say 30-35 nəfərə çatıb.
Əməkdar məşqçi Xanəhməd Rzazadə hər yay tətilində məşq bölmələrinə axının artdığını, onların məqsədlərinin isə layiqli idmançılar yetişdirmək olduğunu bildirib. O, cüdo federasiyası tərəfindən qızların bu idman növünə cəlb edilməsi üçün müəyyən tədbirlər reallaşdırdığını da qeyd edib.
Qeyd edək ki, Nizami yurdunun yeniyetmə cüdoçuları zona yarışına çıxacaqlar. Goranboyda keçiriləcək birincilikdə Gəncədən 200-dən çox idmançı iştirak edəcək.
