2025–2026-cı tədris ili üçün "Yay məktəbi" layihəsinə start verilib.
Gencexeber.az-a Gəncə-Daşkəsən Regional Təhsil İdarəsi (GDRTİ) tərəfindən verilən məlumata görə, qurumun təşəbbüsü ilə həyata keçirilən layihədə tabeliyində olan 95 ümumi təhsil müəssisəsi iştirak edir.
Əsas məqsəd şagirdlərin əvvəlki siniflərdə keçdikləri mövzuları təkrarlaması, öyrənməni əyləncəli və yaradıcı fəaliyyətlərlə maraqlı etmək, həmçinin oyunlar, idman və qrup işləri vasitəsilə motivasiyanı artırmaqdır.
"Yay məktəbi" layihəsində 4-cü, 6-cı və 9-cu sinif şagirdləri iştirak edir. Layihə könüllülük prinsipi əsasında təşkil olunur və 1–12 sentyabr tarixlərini əhatə edəcək.
GDRTİ-dən verilən məlumata görə, bu layihə şagirdlərə yeni dərs ilinə daha hazır, inamlı və motivasiyalı başlamaq imkanı yaradacaq.
