Gəncədə yataqxana sakinlərinin bir sıra problemləri var. Bu haqda 27 may tarixində Space TV-yə istinadən məlumat veririk.
Söhbət şəhər ərazisində yerləşən yataqxana binalarından gedir. Sakinlər bildirirlər ki, kanalizasiya boruları yararsız haldadır. Çirkab sular zirzəmiyə dolur. Binalar nəm çəkir. Divarlardakı boya, emulsiya və s. örtüklər qoparaq tökülür. Bundan başqa, nəm səbəbindən ərazidə çoxsaylı ağcaqanadlar məskən salıb. Onlar həşəratların xəstəlik yaymasından narahatdırlar.
Tikinti mütəxəssisi Xanmuraz Qasımov deyir ki, indiki şəraitdə çıxış yolu yataqxana binalarının təmir edilməsidir: “Binalara əsaslı təmir lazımdır. Bütün yataqxanalarımız qəzalı vəziyyətdədir.”
Məsələ ilə bağlı Milli Məclisin üzvü Razi Nurullayev açıqlama verib.
“Hazırda şəhərdə 18 yataqxana binası var. Onların 2-də yaşayan 349 ailə üçün yeni mənzillər tikilir. Binanın bu ilin sonunda sakinlərə təhvil verilməsi planlaşdırılır. Geri qalan 16 yataqxana isə mərhələli şəkildə sökülərək yerində müasir tipli binaların tikintisi planlaşdırılır.
