Gəncədə xeyriyyə konserti baş tutub. Bu haqda 12 dekabr tarixində Kəpəz televiziyasına istinadən məlumat veririk.
Fikrət Əmirov adına Gəncə Dövlət Filarmoniyasında “Yaşat” adlı konsert proqramı təşkil olunub. Burada 44 günlük Vətən müharibəsində şanlı ordumuzun qazandığı tarixi qələbədən danışılıb.
Konsertin bilet satışından toplanan 4165 manat vəsait “Yaşat” fonduna ianə olunub. Xalq artisti Rafael Bayramovun və Şəhriyar Tağıyevin bədii rəhbərliyi altında Kamera Orkestri və “Xəmsə” estrada ansamblının çıxış etdiyi konsertdə yerli mədəniyyət, incəsənət xadimləri milli vətənpərvər ruhda, həmçinin xalq və bəstəkar mahnıları ifa ediblər.
