Gəncədə iki küçədə təmir işləri davam edir. Bu haqda Gencexeber.az-a 25 sentyabr tarixində məlumat daxil olub.
Söhbət şəhərin Xudadat bəy Rəfibəyli və İmam Mustafayev küçələrindən gedir. Adıçəkilən ərazilərdə yol infrastrukturu salınır. Küçələrə texnika və canlı qüvvə cəlb olunub. Rəfibəyli küçəsində yolun kənarına bordürlər düzülür. İmam Mustafayev küçəsində isə analoji işlərin yaxın günlərdə başlayacağı bildirilir.
Növbəti mərhələdə avtomobil yoluna asfalt örtüyü salınacaq və xətlər çəkiləcək.
Qeyd edək ki, İmam Mustafayev küçəsində işıqlandırma sistemi yoxdur. Bu hal sakinləri narahat edir.
[modula id="46577"]
