Xəbər verdiyimiz kimi, Gəncədə Xan arxının tutulması problemi illərdir davam edir.
Gencexeber.az Mənzil Kommunal Təsərrüfatı İstehsalat Birliyinə (MKTİB) istinadən məlumat verir ki, mənbəyini Gəncəçayın Firuzabad qəsəbəsində yerləşən su qurğusundan götürən Xan arxı şəhərin bir sıra küçələrindən keçməklə Samux rayonunda əkin sahələrinin suvarılmasını təmin edir. Qurumdan bildirilib ki, sakinlər tərəfindən məişət və digər tullantıların atılması nəticəsində sözügedən su kəməri tutulub.
Əlavə edilib ki, məsuliyyətsiz sakinlərə dəfələrlə MKTİB tərəfindən xəbərdarlıq edilib. Xan arxının bu dəfə Abbas Səhhət küçəsindən keçən hissəsində daşma təhlükəsi nəzərə alınaraq kompleks təmizlik işləri aparılıb.
Belə ki, qurumun ağır texnikaları və canlı qüvvəsi tərəfindən adıçəkilən arxın məcrası məişət və digər tullantılardan təmizlənib və zibilin ərazidən daşınması təmin olunub.
MKTİB bir daha əhaliyə və iaşə obyektlərinin sahiblərinə xəbərdarlıq edərək bildirir ki, Xan arxına məişət və digər tullantılar atmasınlar.
[caption id="attachment_77401" align="alignnone" width="696"]
[/caption]
[caption id="attachment_77402" align="alignnone" width="696"]
[/caption]
[caption id="attachment_77403" align="alignnone" width="696"]
[/caption]
