Gəncə şəhər Mərkəzləşdirilmiş Kitabxana Sisteminin 19 saylı kitabxana filialı tədbir təşkil edib. Bu haqda 8 iyun tarixində Mərkəzləşdirilmiş Kitabxana Sisteminə istinadən xəbər veririk.
“Bircə kəlmə sözüm qalsa dünyada” adlı tədbir Xalq şairi Nigar Xudadat qızı Rəfibəyli haqqında olub. 13 saylı tam orta məktəbdə keçirilən tədbirdə “İşıqlı dünyam”, “Günəşdən gənclik istədim”,“Həzin bir axşamda düşərsən yadıma”, “Şanlı nəsillərin yadigarısan”, “Zəfər nəğməsi”, “Yol xatirələri”, “Avropa ətrafında səyahət gündəliyindən”, “Seçilmiş əsərləri” kitablarının
xülasəsini edən MKS-nin 19 saylı filialının müdiri Elza Əliyeva “Nigar Rəfibəylinin çiçək dünyası” adlı videoçarxı iştirakçılara təqdim edib. Daha sonra VI sinif şagirdləri şairənin şeirlərini söyləyiblər.
Tədbirdə MKS-nin 19 saylı filialının müdiri Elza Əliyeva , Gəncə şəhər Şah İsmayıl Xətai adına 13 saylı tam orta məktəbin direktoru Gülnar Hüseynova, direktor müavini Rasim Alıyev, psixoloq Qətibə Mustafayeva , metodist Günel Məmmədova , UTBR Qənifə Nağıyeva, sosial pedaqoq Elmira Musayeva, kitabxana işçiləri Ruziyyə Abbasova, Jalə İsmayılova Xalq şairi Nigar Rəfibəylinin həyat və yaradıcılığı haqqında geniş
məlumat verərək, ədəbi yaradıcılığını poeziya ilə yanaşı, tərcümə sahəsinə də həsr etməsindən, hər ikisində böyük sənətkarlıq nümunələri yaradaraq, necə bir mükəmməllik yaratdığından danışıblar.
